Aquí atoparás toda a información útil e necesaria para escanear imaxes e enviarnos para publicar. Inclúe Guía de dixitalización de imaxes e tamén mapas de localización dos lugares de O Val. Para calquera dúbida, estaremos encantados de que nos contactes.
“Ninguén naceu aprendido.”
O paso máis importante é localizar tódalas fotografías posibles e despois, anotar os datos que lembremos da imaxe: Lugar, data, persoas…
A recuperación das fotografías pódese facer de dúas formas:
Ofertamos a posibilidades de nos contactar para que sexamos nós os que escaneemos, cataloguemos e subamos as imaxes. Deste xeito aseguramos que a calidade e a recuperación sexa da mellor calidade e pulcritude posible. Todo de xeito completamente gratuíto.
Este servizo de dixitalización domiciliaria gratuíta está pensado especialmente para garantir a accesibilidade universal: persoas maiores, con diversidade funcional ou sen medios técnicos poden participar sen barreiras. Desprazámonos nós para que non teñan que desprazarse.
Cada foto publicada levará o teu nome como persoa propietaria ou colaboradora, se o desexas.
Como non podía ser de outro xeito, as persoas son importantes. Procuraremos nomear a todas e cada unha das persoas que aparecen en cada fotografía, e neste punto, a colaboración veciñal é moi importante, xa que, deste xeito poderemos poñer nome a cada persoa fotografada, e, se fora posible, etiquetar tamén ao fotógrafo.
Para organizar mellor as túas fotos, podes rexistrar esta información esencial:
Data exacta ou mais o menos con marxe de anos arriba ou abaixo, localización, descrición ou lugar onde se tomou a foto, propietario ou fonte orixinal da foto. Exemplo: Arquivo da Familia García, notas: datos adicionais ou aportacións de usuarios. Exemplo: A data aparece escrita a bolígrafo sobre a foto, xeolocalización: Dirección ou lugar, por exemplo: Aldea Quinta, 11, 15541 Narón, A Coruña, España
O xeoetiquetado é clave para localizar as fotos no mapa e compartir recordos con precisión. Se non tes coordenadas exactas, unha descrición aproximada tamén serve!
O método aconsellable. Se a precisas, dispós dunha Guía de dixitalización de imaxes que pode ser de gran utilidade.
Non é o aconsellable pero polo menos vas a poder gardar a imaxe “dixitalizada”, dispós dunha Guía de dixitalización de imaxes con móbil coa app PhotoScan de Google Fotos.
Busca a foto da persoa que queiras lembrar e baixa ata o final da páxina: alí atoparás o espazo para prender unha vela. 🕯️
Este espazo de homenaxe dixital serve para manter viva a memoria das persoas falecidas e facilitar o duelo compartido na comunidade, creando un arquivo emocional alén do histórico.
Mapa de O Val para localizar os lugares, así resultará máis sinxelo poñer o nome do lugar no que se sacou a foto.
Si o precisas, podes contactar con nós estaremos encantados de facilitarche toda a axuda posible.
O xeito mais sinxelo é chamando ao teléfono, ou contactando por whatsapp, no 630806122.
Tamen podes deixarnos un email no correo electrónico info@ovalnamemoria.com ou ben cubrir o formulario de contacto en https://ovalnamemoria.com/contacto/ de xeito moio sinxelo.
