Notas

Partes dun estandarte procesional:

Pano
É a parte de tea (xeralmente de raso) onde se bordan os elementos, florares en este caso, e se inclue a imaxen relixiosa, normalmente da Virxe, dun santo ou do Sagrado Corazón. Este pano está rematado en tres puntas, a central máis longa e rematadas con flecos e borlóns en fio dourado.

Camafeo
A imaxe principal (neste caso a Virxe do Corazón de María), bordada ou pintada (neste caso pintada), rodeada de molduras douradas ou fitas ornamentais.

Ornamentación e bordados
Inclúe os adornos laterais e inferiores: borlas, franxas douradas, flecos, cintas ou galóns metálicos. Estes engadidos dan prestixio e solemnidade ao estandarte.

Mastro ou vara
É o pau central que serve de soporte. Normalmente de madeira pulida ou metal, ás veces rematado cunha cruz ou figura decorativa (remate superior).

Cordóns
Son os que adornan o estandarte durante a procesión. Na foto, dúas mulleres levan os cordóns a ambos lados.

Anverso e reverso
Algúns estandartes teñen decoración en ambas caras: unha principal coa imaxe titular e outra máis sinxela con símbolos (cruces, escudos parroquiais, etc.).