Este sábado, 20 de decembro de 2025, o proxecto O Val na Memoria foi protagonista dunha ampla reportaxe no xornal La Voz de Galicia, dentro da sección Comarcas, baixo o título “Aqueles marabillosos anos no corazón rural de Narón: «De Miss La Concha a Julio Iglesias»”.
A peza xornalística fai un percorrido polo traballo de recuperación da memoria gráfica e social do Val, destacando o valor das fotografías antigas compartidas polas familias e veciños, así como a capacidade destas imaxes para evocar tanto os días felices da vida cotiá —festas, romarías, escolas, deportes ou traballos do campo— como os episodios máis duros da nosa historia.
O Val na Memoria, en La Voz de Galicia
Desde O Val na Memoria queremos agradecer a La Voz de Galicia o interese polo proxecto e, sobre todo, ás persoas que continúan colaborando, cedendo fotografías, testemuños e lembranzas. Sen esa achega colectiva, este arquivo vivo da nosa historia común non sería posible.
Seguimos traballando para conservar, interpretar e compartir a memoria do Val. Porque lembrar tamén é unha forma de coidar o que fomos.
Publicación en Facebook
Edición dixital
